Didi-pitsarana sy vadi-tany vao nahavita nanala n,y depiote Mapar Christine Razanamahasoa tamin'n tranom-panjakana izay nobodoiny nandritra ny 4 taona. In-5 nandefa taratasy  fampilazana ny amin'ny  ilàn'ny fanjakana ny trano tetsy Amparibe ny minisitera tomponandraikitra saingy nanaovan'ity depiote mapar ity bemarenina fotsiny. Androany, mailaka be ny Antoko Mapar nivoy ny fanesorana an'i Christine Razanamahasoa ho resaka politika sy antsojay.

Rahampitso ihany dia hiroso amin'ny fivoriana tsy ara-potoana faha-4 ny eo anivon'ny antenimieram-pirenena. Ho an'ny antenimieran-doholona, ny fandinihina ny lalam-pifidianana no hifotoran'izy ireo ankoatra ireo lalàna hafa izay hiainga avy eny amin'ny antenimeiram-pirenena. Isan'ireo volavolan-dalàan hodinihina ihany koa ny mahakasika ireo ahrena azo amin'ny tsy ara-dalàna, sy ny lalàna momba ny ady amin'ny famotsiam-bola sy ny fanohanana ara-bola ny fampihorohoroana. Mboal hodinihina ihany koa ny lalàna manova sy mameno ny lalàna faha 2014-020 momba ny vondrom-bahoaka hitsinjaram-pahefana, mahakasika ny fikarakarana ny fifidianana.  

Nodimandry teo amin'ny faha-81 taona i Winnie Mandela, vadin'i Nelson Mandela nandritra ny ady natao tamin'ny fanavakavaham-bolo-koditra tany Afrika Atsimo. Isan'ny nampiavaka ity vehivavy mpanao politika ity ny faharetany sy ny fanohanany an'i Nelson Mandela nandritra ny 27 taona izay nahavoafonja azy tamin'ny fitondran'ireo fotsy hoditra.

Tsy misy ny resaka kolikoly, fitsinjovana  ny tombontsoa ambonin'ny sara-babem-bahoaka no nandresy androany teny amin'ny antenimieram-pirenena, araka ny fanazavana nentin'ny Praiminisitra Olivier Mahafaly Solonandrasana teny Tsimbazaza. Tsy maintsy mbola hodinihina eny anivon'ny antenimieran-doholona ireto lalàna ireto. Maro ireo andininy nofoanan'ny teny anivon'ny asam-baomiera no naverin'ny teo anivon'ny fivoriam-be iraisan'ny rehetra.  

Miatrika  famotorana any Frantsa ankehitriny ny filoha Frantsay teo aloha Nicholas Sarkozy. Antony, voampnga ho nahazo famatsiam-bola tsy ara-dalàna mitentina 50 tapitrisa Euro avy amin'ny fanjakana libianina izy ny taona 2007, nandritra ny fampielezan-kevitra. Famatsiam-bola izay sokajian'ny mpitsara frantsay fa kolikoly avo lenta.

Ny faritra avaratry ny nosy no nanombohany izany fitsidihana izany, niatomboka tao Ambilobe io atoandro io. Nandritra izany no nijereny ireo faharavana tao amin'ity Distrika ity. Isan'ny nojeren'ny Filoha akaiky tamin'izany ohatra ny fianjeran'ny tetezana tao Bemaranja. Ny Distrikan'Ambilobe izay isan'ny nitondra faisana indrindra amin'izao fandalovan'ny rivo-doza Eliakim izao, no nanombohany izany, efa miomana hijery ireo faritra sasany ihany koa ny governemanta. Nanome hery nitondra fanampiana ho an’ireo vahoaka tra-boina manerana ny Distrikan'Ambilobe, ny delegasionina no tarihin'ny filoham-pirenena. Vary 400 gony, voamaina 200 gony, ary tôle 1000 takelaka  no nentiny ho an'Ambilobe.   

Efa miomana hiditra amin'ny dingan'ny fanakorontanana amin'izay ireo antoko politika hafa, toy ny TIM, sy ny Mapar rehefa fakafakaina ny fanehoan-kevitra samiahfa teny Tsimbazaza. Isan'ny maro an'isa tany anatin'ny asam-baomiera ireo depiote mpanohitra, izany hoe nandray anjara tamin'ny famolavolana izany, saingy nasongadin'izy ireo indray fa hanakorontana io lalàna io.  Arahantsika ato anatin'ny fampahalalam-baovao any antsipirihan'ny fanefahoan-kevitra momba izany.

Toliary, nisahotaka androany. Tovovavy iray nisy namono tamin'ny fomba feno habibiana no niantombohany, ary niafara tamin'ny fihetsiketsehana lehibe androany. Nanao fihetsiketsehana tao an-tampon-tananan'i Toliary ny mponina androany, nihidy avokoa ny mpivarotra rehetra. 65 no voasambotra.

Ao anatiny tanteraka ny fandinihana ilay lalàna mifehy ny fifidianana filoham-pirenena ankehitriny, ireo eny anivon'ny antenimieram-pirenena. Amin'ny ankapobeny, tsy manisy olana momba ny votoatin'izany lalàna izany ireo olom-boafidy izay mandinika ny antsipirihan'izany. Maro kosa ireo mpanao politika no miezaka misintona ny andininy vitsivitsy amin'izany, entina hanaporofoana fa notefena ho an'ny mpitondra fanjakana ankehitriny io lalàna io. Andrasana ny fotoam-pivoriana tsy ara-potoana faharoa ataon'ny eny anivon'ny antenimieram-pirenena 2 tonta hanapahana izany.  

Tsy mahafa-po ny ady atao amin'ny kolikoly eto Madagasikara. Nanaratsy endrika an'i Madagasikara ihany koa ireo resa-bola nifamatotra tamin'ny kolikoly nalaza tamin'ny taona 2017. Ankoatra ireo lesoka maro eto an-toerana, nisy ny firenena hafa nahavita ezaka betsaka sy tsara noho isika hoy ny Tale Jeneralin'ny Bianco Jean Louis Andriamifidy, ka nahavery toerana 10 an'i Madagasikara.

Raikitra ny fivoriana tsy ara-potoana voalohany  ho amin'ity taona ity eny anivon'ny antenimieram-pirenena. Nivoaka omaly ny didim-panjakana  mampiantso ireo depiote hiatrika izany fivoriana izany, araka ny voalazan'ny andininy faha-76 sy faha-85 ao amin'ny lalam-panorenana malagasy. Tsy ihoatra ny 12 andro ity fivoriana tsy ara-potoana ity ary laharam-pahamehana amin'izany ny fandinihana ny volavolan-dalàna 3, ahitana ny lalàna mifehy ny fifidianana sy ny fitsapan-kevi-bahoaka, eo ihany koa ny lalàna momba ny fifidianna filoham-pirenena, ary ny lalàna mifehy ny fifidianana solombavambahoaka eny amin'ny Antenimieram-pirenena.

Maro ny fanapahan-kevitra nampidi-kizo ny fanjakana malagasy izay noraisin'ny fitondram-panjakana tetezamita hoy ny minisitry ny asa vaventy Eric Razafimandimby androany. Porofon'izany ny fampiantonana ny redevance d'entretien routier tamin'ny 2011, mba ihazonana ny vidin-tsolika tsy hiakatra. Ankehitriny, tsy mety tafarina ny FER, noho ny tarazo navelan'izany.

Tsy misy tokony hiseho ho mpanome lesona ireo mpanao politika efa nitondra ary namarina an-kady ny firenena na iza na iza, hoy i Rivo Rakotovao, Filoha nasionalin'ny antoko HVM amin'izao fotoana izao.Tsy maintsy asehon'ny vahoaka amin'ny alalan'ny fifidianana ny safidiny, sy izay tsapany fa nahavita ary mahavita mametraka izay mahasoa ny fireneny.  Tsy adinon'ny vahoaka ny tena zava-nisy sy ny korontana ary ny fitotonganan'ny firenena nandritra ny vanim-potoana tetezamita na inona na inona fanadiovana atao amin'izany. Tsy mora hoy ny filoha nasionalin'ny HVM ny namerina izany tamin'ny laoniny, sy ny fanarenana ity firenena ity. 

Tsy mendrika hovaliana akory ny fanehoan-kevitry ny mpitarika ny Mapar Andry Rajoelina hoy ny minisitry ny serasera  raha nanontanian'ny mpanao gazey omaly. Ho an'ny senatera hafa kosa dia fanadiovan-tena ara-politika ireny mba hambaboana ny fon'ny vahoaka, noho ny firosoana any amin'ny fifidianana. Maro ireo tranga toy ny fahapotehan'ny kolo-tsaina sy ny soatoavina maha-malagasy, ny toekarena, ny sazy mavesatra nitambesatra sy nampikatso ny fandrosoan'i Madagasikara noho ny fitarazohan'ny tetezamita no nodiany tsy noresahina. Niharihary ihany koa ny nialàny tamin'ilay fanontaniana momba ny Taux de croissance. 

Eny amin'ny Oniversité, andiany na Promotion telo tao amin’ny departeman’ny fitantanana ao  amin’ny oniveristen’Ankatso no mbola tsy nahavita boky hatramin’izao. Ny tsy fisian’ireo mpampianatra afaka manao "encadrement", izany hoe mitarika azy ireo no olana amin’izany. Manome fotoana ho an'ireo tomponandraikitry ny minisitera sy ny Oniversite hatramin'ny Talata ho avy izao ireo mpianatra hamahàna ny olana raha tsy izany dia hitokona izy ireo. 

Maresaka iraisam-pirenena, nampidirina Hopitaly maika ny vinanton'ny Filoha Amerikana Donald Trump, omaly maraina. Ny nanokafan'i  Vanessa Trump, vadin'ny Donald Trump Junior, taratasy izay nahitàna vovo-javatra no anton'izany. Taratasy izay tokony ho nosokafan'ny vadiny.  Hatreto, raha ny ampaham-baovao azo, tsy mankarary io vovo-javatra tsy fanta-piaviana io.

Fametrahana paikady hanatanterahana asa ao anatin'ny fohy ezaka, io no ivon'ny fivoriana ataon'ny governemanta any Mantasoa amin'izao fotoana izao. Tafiditra ao anatin'ny fanatanterahana ny Vina Fisandratana 2030 napetraky ny Filohampirenena Hery RAJAONARIMAMPIANINA izao fivoriana izao hoy ny Praiminisitra, izay mitarika izany. Tonga nanokatra izany ny Filohampirenena androany maraina.

Nanomboka ny maraina teo tany Mantasoa ny Team Building, iarahan’ny governemanta. Raha ny vaovao azo avy any an-toerana ny maraina teo dia tonga manontolo ny mpikambana ny mpikambana amin’ny governemanta manatrika izany. Eo ihany koa ireo teknisiana eo anivon’ny minisitera tsirairay avy. Nanokatra tamim-pomba ofisialy ity dinidinika iarahan’ny governemanta ity, tany Mantasoa ny maraina teo ny Filoham-pirenena Hery  Rajaonarimampianina.

430 000 ireo traboina, 250 ireo naratra, 81 no maty, nahatrarta 700 tapitrisa dolara ny fahavoazana navelany, mafy ny takaitra sy ny fahasimbana navelan'ny rivo-doza Enawo. Nanao tatitra momba izany ny firenena mikambana, ny BNGRC, ary ny Primatiora androany teny Mahazoarivo. Hanampy bebe kokoa an'i Madagasikara amin'ny fiatrehana ny loza voajanahary  amin'ny manarka nytraik'efa sy ny fandrindrana ny asa nentina niatrika iny rivo-doza iny izay isan'ny mafy indrindra teto, tato anatin'ny 10 taona farany. 

Fahasalamana. Tsy maharaka ny Hopital des enfants etsy Tsaralalana. Be laotra ny ankizy sy ny zaza no marary. Miparitaka eto Antananarivo ny gripa. Somary mahery kokoa noho no nahazatra hatramin'izay anefa ny gripa misy amin'izao fotoana izao, ary mahita fiasana amin'izany ny zazakely. Ny fanaviana, ny fiakaran’ny hafanana,   koha-maina  ary ny maso mena, ireo amin’ny ankapobeny no endrika hisehoan'io gripa io. Azo atao tsara  ny misoroka izany hoy ny mpitsabo. 

Ireto ny mombamomba ireo gadra 3 nandositra ny fonjan'Antanimora ny faran'ny herinandro teo. 1) RAKOTOARISOA HENINTSOA RAPHALQUE26 taona, mirefy1,47m, misy holatra eo amin'ny hatony, ny tratrany ary ny sandriny.Migadra 15 taona noho ny vono olona sy halatra 2) RAFALIMANANA NIRINA JEAN29 taona, mirefy 1,59m, misy tatouage eo amin'ny avant-bras havanana.Migadra mandram-pahafatiny noho ny fanaovana vola sandoka; 3) RAHARIJAONA SOLOFONIAINA (tsy nanome ny sariny ny fonja)20 taona, mirefy 1,75m, misy tatouage sary fo sy soratra "fidèle" eo amin'ny avant-bras havanana, ary soratra "solofo" eo amin'ny sandriny havanana. FANAMARIHANA avy amin' ny zandarimariam-pirenena: Raha ny tokony ho izy dia vao mahafantatra ny fandosirana ny tompon'andraikitra eny amin'ny fonja dia efa milaza haingana amin'ireo tobin'ny Hery rehetra akaiky azy nny zava-mitranga sy ny mombamomba ny gadra nandositra mba ahafahana eo noho eo ihany manao ny fanenjehana sy fanakanana. Manaraka ho azy aoriana ny fanaovana ny avis de recherche izay "formalités" an-taratasy. Tsara ny hahafantaran'ny olona fa misy isan'alina ny mpanao fisafoana ataon'ireo mpitandro ny filaminana ankoatra ireo "piquet" izay fiandry afaka manampy raha ilaina indrindra moa amin'ny trangana "évasion" toa izao.

Mila fadiana ny manao kolikoly. Mila mitoroka ireo mpanao kolikoly. Tsy misy madinika na lehibe ny kolikoly hoy ny filoham-pirenena Hery Rajaonarimampianina fa rehefa kolikoly dia kolikoly. Misy kolikoly eny amin'ny fokotany, misy kolikoly eny amin'ny kominina, Biraom-panjakana, misy kolikoly eny amin'ny arabe ary tsy iza no manao kolikoly fa isika, olom-pirenena ary olom-panjakana. Ny kolikoly avo lenta ihany no malaza saingy mandray anjara amin'ny fanapotehana ny firenena ihany koa ny olom-pirenena rehetra manao kolikoly hoy ny Filoha. Manainga ny malagasy rehetra hanomboka ny ady amin'ny kolikoly, amin'ny ezaky ny tsirairay ny filoha malagasy.

Mpanara-baovao maro no efa niandry tao amin'ny efitrano faha-5, tao amin'ny lapan'ny fitsarana Ambaratonga voalohany tetsy Anosy io maraina io, hatramin'ny 8 ora sy sasany.  Fotoana izay tokony nanombohana S ny fitsarana  ny raharaha Houcine Arfa. Noho ny fangatahan'ny mpisolo vava ity gadra nitsoaka ity, sy ny tsy fahitana azy hatramin'izao, dia nahemotra ho amin'ny 9 Marsa 2018 indray ny fitsarana. Raha tsiahivina, mbola hifampitadiavna'ny fitsarana malagasy sy ny fitsarana Frantsay ity gadra nitsoaka ity hatreto ary tsy mbola hitany misy azy, rehefa tafaporitsaka nandositra niala an'i Madagasikara izy, efa ho roa volana izao.  

Miandry fatratra ny lalao hifanandrinan'ny Real de Madrid sy ny Paris saint Germain izay hotanterahina ny 14 Febroary ho avy izao, ny mpankafy baolina kitra maneran-tany. Tao anatin'ny 37 minitra monja dia lany ny tapakila miisa 81 000 hijerena mivantana io lalao io izay atao any Madrid. Isan'ny lafo dia lafo anefa ny saran'ny vidim-pidirana amin'ity lalao lehibe ity ary 345 Euros ny vidin'ny toerana iray ambany indrindra amin'izany. Ao Madrid, Espagne no hotanterahina ity lalao ity. jifaina 345 Euro ny tapakila tsotra iray, rah toa ka tafakatra hatramin'ny 1645 Euro ny Vidin'ny famandrian-toerana.